Tuesday 23 July 2013

Mera Akelapan:-

Meri Zindagi bhi ajib se Doraahe par khadi hai. Ek taraf wo Gham Jaha main Apni Zimmedaariyon min Bandha pata hun aur dusri taraf apne us saathi k kho jaane ka dard jise main toot kar prem kiya aisa lagta hai Maano jivan Chakki ke Do Paaton ke bich Fans kar rah gaya ho jehan main har din Pista rahta hun aur meri Aatma Sisak-Sisak kar Ashru Dhara Bahati rahti hai,Kabhi kabhi to meri Aatma mujhse Yaachna karti hai..Kahti hai Tum mujhe apne is Nashwar Sharir se hamesha ke liye nikaal do Wah Bechain ho kar kahti hai ki main tumhare saath rah kar Thak chuki hun mujhe Please apne Lubhawne Sapno se Azaad kar do. Phir Main Usse maafi mangta hun aur kahta hun ki tum mujhse chhod kar mat jaao main tumhe ye Vishwaas dilata hun ki mera PYAAR lout kar Aayega, Mera Pyaar to bahut Bhola hai bahut hi pyaara hai Bas wo ROOTH gaya hai mujhse!!! Aur meri Aatma mujh par Hansti huyi aur nafrat ki nazron se dekhti hai aur kahti hai ki bas Teri yahi Jhuthi Chahat aur tera ye Beintahan Pyaar aur teri ZID mujhe Mazbur karta hai k main TUJHE CHHOD kar CHali Jaaun phir TUJHE dard na hoga aur tere AAANKHON me AANSSON ki nadiyan Khatma ho jaayegi hamesha k liye

Aur main sochta hun ki meri AATMA Sach keh rahi hai , Is Akelepan se achha hai ki main Apne Jism se apni AATMA ko hamesha ki liye AZAAD kar dun

Ehsaas Alam "Tufail" 
INSAAN jab kisi ko apne pure dil se chaah leta hai to wah use kabhi bhula nahi pata.. Har ek pal uski yaad aati hai.. Bahut dard hota hai.. Zindagi mout se bhi bat tar lagne lagti hai..

Pata nahi kyon Main us se ab bhi bahut hi jyada pyaar karta hun..Deewanon ki tarah lekin use ab bhi khouf hai pata nahi kyon.. ?Shayad isliye ke uske aas paas ke logon ne meri ek aisi TASWEER banayi Jise usne sach maan liya..

Ye kaisa pyaar tha ye kaisi chaahat thi ke usne Mujhse ek baar bhi jaan ne ki koshish na ki ke SACH kya hai?

Kya Mohabbat aisi hoti hai.. Jehan log ek jhatke me apne PYAAR ka haath chhod dete hain sirf isliye ke Logon ne jhutil dalilen din....

Kya Mohabbat aisi hoti hai jehan Apne LOVE par faith na kar ke Duniya ke kahi suni baaton par Yaqin kia jata hai...

Agar Aisa hai to YA KHUDA mujhe is PYAAR se Azaad kar de...
Tu mujhe pal-pal mat maar...
Aur mujhe phir se hansna sikha..
Meri Ninden Louta de.. Mera sukun mujhe De-De...

Meri Sar ki nasen Jo fat ti hain Dard se kabhi kabhi KHUDA us se bhi muje nijaad dila..

Mujhe meri Khushiyan Louta de..

Mujhe mera Housla louta de...

Aaameen...

.......EHSAAS........
KALYUG KA PREM!...

EK samay that jab Premi-Premika ko 2 Sharir aur Ek Aatma ke Example se jan jata tha, Ek asim Prem sirf Prem hi hota tha, Un 2no ke bich ek Deewanapan, Bechaini aur Ek Roohani Aanand ka Athaah Samandar hua karta tha Jisme 2no Premi 2 Hanson ki Jodon ki tarah Gote Lagate aur athkheliyan Khela karte the, Jahan Koi Waaden Nahi,Koi Kasme Nahi,Koi Laalach nahi, Koi Ladayi-Jhagde nahi wahan to sirf Premi Premi ki ek Sachchi Tadap Hoti thi Duniya ki saari chahton se bahut Dur.



Lekin Aaj to Prem ka Defination hi badal chuka hai, Aaj Ki Yung Generation PREM ki pahli sidhi is shart ke Saath Chadhti hai ke Hum Prem to Karegen Lekin SHAADI nahi, Kyohn ke wo band kamre ka PREM chaahti hain, Wah har wo sukh aur moh ko ji lena chaahte hain PREM ke ghane aur jhute parde ke Pichhe, Lekin is parde ko Duniya ke Saamne Hatane ki Himmat unme nahi hoti, aur jab Kabhi Saty Ke Zameen par in Jodon ko La kar Khada kar bhi Diya Jaaye to PREMA ka Sahi Defination bhi inki Zubaan se nahi Nikal pata aur Sara PREM dhara ka Dhara Rah jata hai.

Had to Tab hoti hai Jab in 2no ko alag kar diya jaaye aur kisi ek ke Dimaag mein Dher saari Galatfahmiya Daal di jaayen to wo Saathi Ek pal mein apne Premi Ka aisa Dushma Ban jata hai maano usne kabhi apne Premi se Prem kiya hi na ho.

Aakhir keha Gaya wo PREM jo Kabhi 2 Aatmaaon Ka Milan Mana jata tha

Waah Re KALYUG ka PREM



Monday 13 May 2013

One Message to All on the completion of one month of this page("One Day Marriage"--- http://www.facebook.com/OneDayMarriage

Main ye soch soch kar thak chukka hun ki , Hume ye ZINDAGI kyon mili hai ? Kya isliye ki hum ise NAFRATON ke samandar me dubo kar khatm kar den? Kya isliye ki dusron ke QABR par apne khushiyon ke phool ugaayen?kya isliye ki dusron ke aansuon me dub kar hum apni kaamyaabiyon ka moti TALAASH Karen? Kya isliye ki apne hi bhayion ke khoon se apne hi libaas ko rang kar ZINDAGI ko khushnuma banane ka dhong Karen? Kya isliye ke kisi MAA ki kokh ko suni kar den? Kya isliye ke kisi BAAP ke aankhon me hamesha ke liye udaasiyon ka samandar daal den? Kya isliye ke kisi behan kisi bhayi ke maasum dil ko round daalen???

Nahin mye zindagi isliye nahin mili bilkul nahin… ZINDAGI naam hai ek dusre ke aansuon ko ponchhne ka … ZINDAGI naam hai apne khushiyon ko baantne ka… ZINDAGI naam hai dusron ke Gham me sharik hone ka…ZINDAGI naam hai muhabbat aur khulus ko har ek insaan ke dilon me utaarne ka …ZINDAGI naam hai muhabbton ke us samandar ka jehan nefraton ki koi jagah nahin …zindagi naam hai us MAA ka jo apne bachchon ko kabhi taklif nahin de sakti …thik isi tarah hame chahiye ki hum INSAANIYAT ko kabhi taklif na den …. Hum sab ek dusre se jude hue hain agar hum kisi ko taklif dete hain to us ka DARD hum tak zarur pahunchega aaj nahin to KAL...

From my Diary .. Ehsaas Alam "Tufail" (Author of "One Day Marriag")
Salaam to All

Humari zindagi KHUDA ka diya hua ek nayaab TOHFA hai, aur Shukr hai Parwardigaar(GOD) ka ki usne is Tohfe ke andar bhi kayi behtarin aur NAYAAB tohfe HUM  insaano ko de rakha hai,Inhi Tohfon me sabse UMDA(best) aur sabse Upar agar koi tohfa hai to wah hain Hamare MAA-BAAP,zindagi ki chichilati DHOOP ka wah ghana darakht jehan HUM sukun paate hain!!
 Waqt ki beraham aandhiyan jab hame bedardi se roundti hain aur hamari aankhen DAB-DABA jaati hain, Dil toot kar bikharne lagta hai tab Ek mazbut haanth(Parents) hame thaam lete hain aur OOHHHH!! un hanthon ko THAAM kar hum kitna sukun mehsus karte hain.... JInke dilon me hamare liye MOHABBATON k siwa kuchh b nahi hota, Bahut Taklif hoti hai jab hum in mazboot haanthon ko hamesha hamesha k liye kho dete hain :'(:'(:'(:'(:'( ......Meri UNgliyan kaampne lagti hain jab is mouju(topic) par likhne ki koshish karta hun... lekin main aapse rupbaru hun... ek aise duniya se rubaru hun.. Jo INSAAN ke sachche EHSAAS ko samajh sakte hain,
From My Diary:-- Ehsaas Alam "Tufail" (Author of "One Day Marriage")
Ajib hai ye DIL ki basti meri EHSAAS
Hai abaad bahut ye par HumKhayaal koi nahi

From My Diary by Ehsaas Alam "Tufail"

Sunday 12 May 2013

Part of My Novel "One Day Marriage"


Ek ajib sa Ehsas hota hai jab main ek kore se kaagaj par apni tasweer in shabdon ki shakl me banaane ki kosis karta hun ..ya fir computer ke screen ke saamne baitha key board par dourti apni ungliyon ki madad se apne aankhon ke saamne apne sachche wajud ko Dhire dhire khara hota dekhta hun aisa lagta hai jaise main apne RUH se baaten kar raha hun aur is pal-pal badalte manzar me kabhi aise mouke aate hain ki mera pura wajud kaampne lagta hai aur mere andar baitha dard ka tufaan mere do dab dabaati aankhon se bechain ho kar baahar nikalne ko majbur ho jata hai aur we kore kaagaj jo na jane kab se pyaase then .. aur jise maine zindagi ke kaee rangon se rang chuka hun bhingti chali jati hain .. ya fir key board ke daman par girte garm pani ke katre use eka ek saham kar rukne ko majbur kar deti hain aur kabhi kabhi ek hi key milon dur tak dourti chali jati hain tab us key ke saathi unglin ko kuch ehsaas ho ta hai aur phir achanak saari ungliyan pure key board par itne tezi se dourne lagti hain ki pura key board laraj kar rah jata hai...

By Ehsaas Alam "Tufail"